Ella Cruz, ayaw ikumpirma na sila ni Julian Trono

Kawawa naman si Ella Cruz dahil nagdugo ang labï niya nang kunan ang kissing scene nila ng kapartner niya na si Julian Trono sa first movie team-up nilang dalawa sa pelikulang Fan Girl/ Fan Boy ng Viva Films.

Julian Trono and Ella Cruz

Ibinuking ni Direk Bb. Joyce Bernal (siya ang creative consultant ng pelikula) na tutoong "bloody" ang romcom ng dalawa sa direskyon ni Barry Gonzales.

Sa kuwento ni Direk Joyce: “Naging madugo ang eksena dahil sa excitement nila, tumama ang labi ni Ella sa ngipin ni Julian kaya nagdugo na naging dahilan para ma-delay yong kissing scene na kukunan.”

Ella at Julian may relasyon?

Ayon kay Direk Joyce ay hinintay muna ni Direk Barry Gonzales na huminto ang pagdugo at humupa ang pamamaga ng labi ng dalaga para itinuloy ang pagkuha ng eksena.

Dahil sa closeness nina Julia at Julian, iisipin mo na "sila"ang magkarelasyon. Sa tagal ng friendship nila, malamang nahulog na ang loob nila sa isa’t isa. Pero may sagot si Ella sa hinala ng media tungkol sa kanila ni Julian: “Good friends pa rin po kami. Kung may male bestfriend po ako ngayon, si Julian yun, wala ng iba,” sabi  nito.

Sa araw-araw nila na pagsasama during then promotion of thier movie at sa daily activities nila, hindi malabo na tuluyang sila ma-develop sa isa't isa.

Magkatuluyan kaya sila kahit natapos na nang kanilang promo?

Abangan natin. Sa September 6 na ipapalabas ang Fan Girl/Fan Boy and hopefully ay may positive reply na si Ella sa estado nila ni Julian.